अंधार दाटला येथे
अंधार पेटला येथे
दिस संपती चिखलाचे
फूल उमलती जेथे
त्या चिखलानंच खाद्य
त्या फूलाला पुरवलं
चटके सोसत चिखलाचे
ते फूलही उमललं
तशीच कोळशाची खाण
जन्म हिर्याला घालीते
सारे आक्रोश पाजूनी
नव्या सुर्याला उगविते
त्या फूलानं हौसेने
पांग चिखलाचं फेडाव
त्या हिर्याने चटकन
अंधार्या खाणीत उजळाव
दीप सुवासाचे धडे
आरंभावे मुहूर्तमेढ
हिच त्यांच्या जीवनाची
उरल्या जगाला परतफेड
© अमोल पाटील
(सन २०१४ मध्ये प्रकाशित अमोल पाटील लिखित 'इंद्रधनुष्य' या काव्यसंग्रहातून...)