कितीही दूर असलो
तुला मनी अनुभवतो
आदर्श तूची माझा
आई रोज आठवितो
जीवनाला अर्थ देऊनी
जगण्याचं बळ दिलंस
नीतीमूल्याचे धडे शिकवूनी
शांतीचा उपदेश केलास
जीवनगाडा हाकताना
माणूसकीला फुलवायला सांगीतलंस
सुख दुःखाच्या नाजूक क्षणी
संयम बाळगायला शिकवलंस
जीवनात स्वतः जगताना
इतरांना जगवावं म्हटलंस
स्वतः हसत असताना
इतरांना हसवावं म्हटलंस
शिकवण अशी आयुष्याची
रोज आठवतो सहर्ष
माणूस म्हणून जगताना
आई तूच माझा आदर्श
© अमोल पाटील
(सन २०१४ मध्ये प्रकाशित 'इंद्रधनुष्य' या काव्यसंग्रहातून)
No comments:
Post a Comment