रडण्यास थारा नाही
आम्हा हौस लढण्याची
थोर मानवी पताका
उंच फडकविण्याची
सज्जनाच्या रे पादुका
आम्ही वाहू आनंदाने
परी दुर्जनाची गय
आम्हाकडून न होणे
थोर सत्याची साधना
आणि न्यायाचा गजर
चळवळ तिच दिव्य
ठाई मानवता स्वार
ध्येय एक मार्ग एक
मानवी कवणे मनी
नोहेच थांबणे आता
जोवर श्वास जीवनी
एक विचार पेरला
उगवला सहस्त्राने
लढ लढाई मानवी
शब्द बोलले मनाने
© अमोल पाटील
(सन २०१८ मध्ये प्रकाशित अमोल पाटील लिखित 'मुक्तश्वास' या काव्यसंग्रहातून..)
Chhan.....
ReplyDelete