नदीकाठी वसलेलं
असं टुमदार गाव
डोंगर दरी आडून
येथे येई सूर्यदेव
गावा मध्यभागी एक
शाळा शोभे रे सुंदर
घडविते बालकांना
आणि आणीते बहार
एक कार्यालय भारी
तेथे बसे कारभारी
पाहे गावाची व्यवस्था
पाणी वीज दारोदारी
मोठे बुजरूक ज्ञानी
वृद्ध इसमांना मान
आया बहिणींना सदा
मिळे अखंड सन्मान
अशी सोज्वळ सुंदर
बहू मायदेशी गावं
जिथे नांदता मनाला
स्पर्शे स्वर्गीचा भाव
- अमोल पाटील
(सन २०१८ मध्ये प्रकाशित अमोल पाटील लिखित 'मुक्त श्वास' या काव्यसंग्रहातून...)
No comments:
Post a Comment