जिद्द शिकावी मुंगीची
जरी कितीही पडली
पुन्हा पुन्हा प्रयत्नाने
भिंतीवरी ती चढली
तिच्या चिवट श्रमाचे
किती गावे गोडवे
भारी शिस्तीत चालते
तिचे चालणे उजवे
सहकार्य गुण तर
जणू तिनेच निर्मिला
एकमेका सांभाळीती
जेव्हा जाती मोहिमेला
तिच्याकडे पाहताना
मन नम्र खूप होते
तिचे श्रमिक जीवन
आम्हां प्रेरित करते
इवलेसे तिचे रूप
परि महानता अंगी
जगताना कित्येकदा
प्रेरक अशी ही मुंगी
- अमोल पाटील
(सन २०१८ मध्ये प्रकाशित अमोल पाटील लिखित 'मुक्त श्वास' या काव्यसंग्रहातून...)
No comments:
Post a Comment