कधी धावपळ कधी विसावा
मनी जागृृृतीचा भाव
सारे मिळूनी सदैव चालती
त्यासी चळवळ ऐसे नाव
चळवळीचे ध्येय हाती
त्यासी नेतृृृत्व संबोधिती
या नेतृृृत्वालाच पारखुनीया
सारे अनुयायी जमती
एक एक कार्यकर्ता
चळवळीचा स्तंभ असतो
चळवळ ही रूजते वाढते
याचा तो श्रेयदार असतो
चळवळीने समाजसंघ
सदैव सारा जागा होतो
चळवळीनेच समाजस्तर
वैचारिकदृृष्ट्या उंच जातो
अशी समाजशिल्प घडविणारी
चळवळ नित्य फुलत रहावी
माणसातली माणूसकी वाढवूनी
समाजस्तर उंचावत रहावी
- अमोल पाटील
(पूर्वप्रसिद्धी : कोकण मराठी साहित्य परिषद विरार शाखा द्वारा प्रकाशित 'मायमराठी' विशेषांक २०१६)