मार्ग | कविता | अमोल पाटील

भलेही जाळे जटिल

परि हार न मनाची

आणीन सुवर्ण दिन

हिच आस उद्याची

मन साकार साकार

परिस्थितीचा होकार

अंधारमय जीवनाला

हा उजेडाचा हुंकार

मार्ग मानवी लौकिक

सर्वांपरी अलौकिक

येथ तेच चिकटले

सदा चिंतीती तात्विक

येथे उशिर कशाला

हर घडी असे भारी

अशा महान कार्याला

श्रमाच्या पाडाव्या सरी

जुलूम अन्याय मुक्त

अशी धरा उभारावी

हातात हात गुंफुनी

सुंदर सकाळ यावी

- अमोल पाटील

(सन २०१८ मध्ये प्रकाशित अमोल पाटील लिखित 'मुक्त श्वास' या काव्यसंग्रहातून..)