सृजना | कविता | अमोल पाटील

सृजना तुला प्रणाम

तू कल्पतरू जगाचा

जगणे सुखी कराया

तुझा जन्म संघर्षाचा

शोधिलेस बहू यंत्र

जगणे सुलभ झाले

तुझ्याच विचारातुनी

नव युग प्रकटले

तुझ्या संघर्षाची फळे

आज सारेच चाखती

ध्येयवेडेपणा तुझा

तू लाविलास सार्थकी

निर्मिक म्हणुनी तुज

मला पाहावे वाटते

कारण तुझी निर्मिती

जगास सुखी करते

धैर्यवान विद्यावान

हेची भविष्य जगाचे

सृजनाच्या बुद्धितूनी

स्वप्न साकारे उद्याचे

- अमोल पाटील

(सन २०१८ मध्ये प्रकाशित अमोल पाटील लिखित 'मुक्त श्वास' या काव्यसंग्रहातून..)