अंधाराला सारताना | कविता | अमोल पाटील

सेवा जनाची कराया

खुर्ची कशाला पाहिजे

अंधाराला सारताना

पद कशाला पाहिजे

असे दिवे मस्तकात

अहोरात्र उजळू द्यावे

खुर्ची पद येती जाती

का म्हणुनी मी थांबावे

खोट्या प्रतिष्ठेच्या पायी

नसेच जन्म आपुला

खोटे सुख उपजता

मग दोष द्या कशाला

शहाणपणा यातच

नको शान खोटारडी

दुबळ्यांसाठी धावावे

हर वक्त हर घडी

मग पहाट होईल

सोनेरी रे जीवनात

चोहिकडे फुले हसतील

या विश्वाच्या अंगणात

- अमोल पाटील

(सन २०१८ मध्ये प्रकाशित अमोल पाटील लिखित 'मुक्त श्वास' या काव्यसंग्रहातून..)