व्यासपीठ | कविता | अमोल पाटील

मृगजळ नोहे जग

जग छान व्यासपीठ

काहीना याचा रे वीट

काहींसाठी हे विद्यापीठ

अंगी जशी कला तशी

येथे मिळते रे दाद

साद घालीता प्रेमाने

मिळे छान प्रतिसाद

शाळा पुस्तक मास्तर

संगे सवंगडी भारी

याहुनी काय जगती

महती असते न्यारी

येथे बक्षिसही मिळे

जनता करीते न्याय

पाचामुखी परमेश

कसा होईल अन्याय

अंती सत्य जय होई

जरी मार्ग खडतर

परि आनंद निराळा

सारे सुंदर सत्वर

- अमोल पाटील

(सन २०१८ मध्ये प्रकाशित अमोल पाटील लिखित 'मुक्त श्वास' या काव्यसंग्रहातून..)