जन्मदात्री थोर माय
आणि जन्मदाता पिता
किती कौतुक सांगावं
अशी माहेरची कथा
मन अधीर अधीर
माहेराला जाण्यासाठी
बालपणीच्या मैत्रिणी
उमलती गच्च गाठी
अशी माहेराची कथा
माहेरवाशिणी सांगे
मन आनंदून जाई
जेव्हा माहेराला निघे
बहू दिस डोळा पाहू
मायबापा बंधू सखी
सार्या माझ्या आप्तजना
हृदयात करू बंदी
मन आनंदून जाई
अन्नपाणी आठवेना
क्षण वरीस वाटतो
नित्य माहेरी जाताना
- अमोल पाटील
(सन २०१८ मध्ये प्रकाशित अमोल पाटील लिखित 'मुक्त श्वास' या काव्यसंग्रहातून...)
No comments:
Post a Comment