अभ्यासूची नीती थोर
जगी सकळ क्षेत्रात
जया अभ्यासाची गोडी
तोच पुढे रे सर्वात
सत्ता सेवा सर्वकाही
अभ्यासाविना निष्फळ
यत्ने अभ्यास करता
वाढे अंतरीचे बळ
अभ्यासासी रे पर्याय
काही असतंच नाही
जो युगंधर सेनानी
सदैव अभ्यासू राही
अभ्यासता उमगते
अभ्यासाने समजते
अभ्यासातूनी कळते
अभ्यासाने ज्ञान येते
सदा अभ्यासू विद्यार्थी
रचिती गा इतिहास
म्हणूनिया लाभो सर्वां
अभ्यासाचा सहवास
- अमोल पाटील
(सन २०१८ मध्ये प्रकाशित अमोल पाटील लिखित 'मुक्त श्वास' या काव्यसंग्रहातून...)
खुप छान सर.
ReplyDelete