वारसा (कविता) - अमोल पाटील

इतिहासाचा वारसा

सदा जपला पाहिजे

जागर रे विचारांचा

सदा गुंजला पाहिजे

मनोमनी रे प्रेरणा

सदा जागृत पाहिजे

सरिता तत्वज्ञानाची

सदा वाहिली पाहिजे

तुझ्या माझ्या श्रमातूनी

फुलवू मळे ऐक्याचे

विविधरूपी एकता

हेच ब्रीद प्रगतीचे

करू पुस्तकांशी मैत्री

जाणू खर्‍याचे रे भान

मग आरंभू क्रांतीला

आणि जागवू रान

तुझं माझं हे कर्तव्य

इतिहास अभ्यासुया

आणि हा थोर वारसा

प्राणपणाने जपुया

© अमोल पाटील

(अमोल पाटील लिखित सन २०१८ मध्ये प्रकाशित 'मुक्तश्वास' या काव्यसंग्रहातून...)