तेज | कविता | अमोल पाटील

समस्या जरी अनेक

एक उपाय शोधुया

अंधार हा भयानक

एक ज्योत उजाळूया

अंधाराचे नाही भय

आम्हा साथ किरणांची

हुडकुनी काढू वाटा

हीच हाक प्रकाशाची

उज्वल दिव्य प्रहरी

मग पहाट होईल

एक एक काजव्याला

भव्य तेज रे येईल

आता फुकाचा क्षण

मोजण्यास उसंत नाही

करावेच कर्म येथे

यात आता भ्रांत नाही

सोहळे असे युगाचे

पाहूनी धन्यता वाटे

अशा चमूत राहूनी

मज सुख नित्य भेटे

- अमोल पाटील

(सन २०१८ मध्ये प्रकाशित अमोल पाटील लिखित 'मुक्तश्वास' या काव्यसंग्रहातून..)