परस्परांच्या साह्याने
हाकिती श्रमाचा गाडा
भोळ्या भाबड्या मनाने
नित्य चाले गावगाडा
एकमेकांना आधार
करी सर्वांचा उद्धार
प्रेम द्यावे प्रेम घ्यावे
सार्या गावाचा विचार
प्रगतीच्या नव्या वाटा
युवकांना खुणविती
नवे नवे उपक्रम
युवाशक्ती राबविती
वृद्धजनांचा आधार
सार्या गावाला वाटतो
सुख दुःख गुजगोष्टी
अनुभव कामा येतो
अशा गावी नित्य सदा
पडे प्रगतीचा सडा
जेव्हा नांदे आनंदाने
पायी पायी गावगाडा
- अमोल पाटील
(सन २०१८ मध्ये प्रकाशित अमोल पाटील लिखित 'मुक्त श्वास' या काव्यसंग्रहातून...)
Vivid reality
ReplyDelete