निरागस सारा वारा
सांगे गुज हळुवार
म्हणे जगा माझ्यासम
फेकत हास्य तुषार
तेजस्वी स्वर्ण प्रकाश
सांगे सूक्ष्म सावकाश
म्हणे जगा माझ्यासम
तोडू अंधाराचा फास
शुध्द निराकार पाणी
सांगे अलगद कानी
तृप्त करी जो सर्वाना
तोची तृप्त रे जीवनी
शांत संयमी माती
सहज सांगे एकांती
उचल पाऊल वीरा
गाडून टाक रे भीती
आता शेवटी आकाश
सांगे घेत मुक्त श्वास
सेवाधर्म जगी मोठा
बाकी सगळा आभास
- अमोल पाटील
(सन २०१८ मध्ये प्रकाशित अमोल पाटील लिखित 'मुक्त श्वास' या काव्यसंग्रहातून...)
Nice sir
ReplyDelete